König Ludwig der Deutsche bestätigt die Gründung des Stifts Wunstorf durch Bischof Dietrich von Minden und verleiht ihm Königsschutz und Immunität, Frankfurt (Main) 871 Okt. 14

Bearbeitung: © Eberhard Kaus, Wunstorf 2002


Editorische Notiz 		Für Formen- und Vokabel-
hilfen bitte die einzelnen Wörter, für Textvarianten die hochgestellten Zahlen, für sprachliche und sachliche Erläuterungen die Zeilennummerierung anklicken!

1 In nomine sanctae et individuae Trinitatis. Hludowicus, divina favente gratia rex.
2 Oportet igitur nos, qui divino sumus munere quodammodo prae ceteris mortalibus sublimati,eius in omnibus parere
3 praeceptis, cuius clementia praelati sumus, ac pro suo amore loca, quae fideles nostri ad laudem et gloriam nominis
4 sui aedificare et construere ac consecrare voluerint, eis ad hoc supplementum ac solatium conferre ac sub nostra
5defensione et tuitione suscipere, quatenus1, quidquid devota mente in eisdem locis boni conati fuerint impendere,
6perpetualiter absque alicuius molestia vel2 inquietudine valeat fixum et immobile permanere.
7 Quapropter comperiat omnium fidelium nostrorum, praesentium scilicet et futurorum, sollertia, qualiter Theodricus,
8 sanctae Mindonensis ecclesiae3 episcopus, construxit per nostram licentiam ex sua hereditate in honore sancti Petri
9 ancillarum Christi monasterium, quod dicitur Wonheresthorp, et ex hoc et in omne tempus subiecit ad potestatem
10 sui iam dicti episcopatus, largiens ex eodem episcopatu ad memoratum monasterium decem mansos litorum et quinque
11 servos cum hoc, quod habere videntur, et ducenta aratra decimarum ad subsidium Christi ancillarum, eo quoque pacto,
12 ut sub potestate successorum suorum, videlicet episcoporum, consistat ad regendum praefatum coenobium, et habeant
13 regulariter ipsae ancillae Christi inter se licentiam eligendi abbatissam, prout oportet, futuris temporibus; et omnibus annis
14 pro vestitura subiectionis quinque solidos persolvant ad ecclesiam sui episcopatus, et deinceps maneant absque ullius
15 inquietudine in omnipotentis Dei servitio sine ulla querela suorum propinquorum.
16 Et idcirco deprecatus est celsitudinem nostram venerabilis episcopus noster Theodricus, ut hoc4 nostrae auctoritatis
17 praeceptum scribere iuberemus, per quod decernimus atque iubemus, ut, sicut superius comprehensum est de praefato
18 monasterio, quod praedictus venerabilis episcopus construxit et ordinavit, ita deinceps per hoc nostrae auctoritatis
19 praeceptum plenius in Dei nomine confirmatum, nullo inquietante, sed Deo auxiliante perpetuis temporibus firmum et
20 stabile permaneat absque alicuius contradicentis obstaculo; et sub nostrae immunitatis tuitione ac defensione tam ipsae
21 ancillae Dei quam5 res earum perennis temporibus consistant, ut eis pro nostra ac coniugis carissimaeque prolis6 salute
22 Domini clementiam delectabilius exorare delectet.
23 Et, ut haec auctoritas firmior teneatur et per futura tempora a fidelibus nostris verius credatur et diligentius observetur,
24 manu propria nostra subter eam firmavimus et anuli nostri inpressione adsignari iussimus.
25 Signum (M.)7 domini8 Hludowici, regis serenissimi
26 Euerhardus9 cancellarius ad vicem Liudberthi10 archicappellani recognovi et subscripsi11.
27 Data pridie Idus Octobris anno Christo propitio trigesimo tertio regni domini12 Hludowici, serenissimi regis, in orientali
28 Francia regnantis13, indictione IIII. Actum in Franconoford, palatio regio. In Dei nomine feliciter. Amen.

Formenbestimmung

Wörterbuch

Erläuterungen

Literaturangaben zu den Erläuterungen